कोल्हापूर शहराच्या राजकारणातील महत्त्वाचे नाव असणारे महानगरपालिका राजकारणातील काँग्रेसचे मोठे नेते, माजी गृहराज्यमंत्री सतेज उर्फ बंटी पाटील यांचे कट्टर समर्थक शारंगधर देशमुख हे काँग्रेस सोडणार असल्याचे आज स्पष्ट झाले. लवकरच उपमुख्यमंत्री एकनाथ शिंदे यांच्या उपस्थितीत हातात शिवबंधन बांधून शिवसेना शिंदे गटात प्रवेश करणार असल्याचे त्यांनी एका वाहिनीला दिलेल्या माहितीत म्हणले आहे.
दरम्यान कोल्हापूर मधील काँग्रेस पक्षाचा एक दिग्गज नेता लवकरच काँग्रेस पक्षाची सोडचिट्टी घेणार असून इतर पक्षात प्रवेश करणार असल्याबद्दलचे वृत्त दस्तावेजने कालच प्रसारित केले होते. आजच्या या घडामोडीनंतर या बातमीला पुष्टी मिळाली असून दस्तावेजच्या बातमीवर पुन्हा एकदा शिक्कामोर्तब झाले आहे.
