निपाणी प्रतिनिधी –
निपाणीचे माजी आमदार काकासाहेब पांडुरंग पाटील मध्यरात्री के एल इ रुग्णालय बेळगाव या ठिकाणी अल्पशा आजाराने दुःखद निधन झाले. ते 71 वर्षांचे होते.
निपाणीचे माजी आमदार आणि काँग्रेसचा तळागाळातील लोकसंपर्क असणारा चेहरा म्हणून काकासाहेब पाटील लोकप्रिय होते. काकासाहेब पाटील यांचे मूळ गाव निपाणी जवळचे वाळकी असून त्यांचे वडील शिक्षक होते.
गेले काही दिवस काकासाहेब पाटील यांना प्रकृती ठीक नसल्याने बेळगाव येथील के एल इ रुग्णालय या ठिकाणी ठेवण्यात आले होते. जवळपास 40 दिवस या ठिकाणी उपचार सुरू असलेल्या काकासाहेब पाटील यांची यादरम्यान महाराष्ट्र आणि कर्नाटक येथल काँग्रेसच्या आणि इतर पक्षातील मान्यवर नेत्यांनी सुद्धा भेट घेऊन त्यांच्या प्रकृतीची चौकशी केली होती. मात्र आज मध्यरात्री त्यांची प्रकृती जास्तच बिघडल्यामुळे त्यांचे दुःखद निधन झाले.
